Nəhayət TürkBlog təkmil oldu və artıq fəaliyyətə başladi. Bütün AzəriBlog imkanlari TürkBlogda var amma tekcə olan fərq, TürkBlogın dizaynıdır.

Ümidvarım ki TürkBlog Türkiyədə və digər ölkələrdə yaşayan terk milləti arasında tanınsın və inkişaf olunsun.

İndi vaxti çatıb ki yeni imkanları sistemlərə əlavə edim. AzəriBloga əlavə olunan imkan TürkBlog sisteminədə əlavə olacaq.

Sistemdə yeni imkanlar və dəyişikləri görmək vaxti artiq çatıb. yeni dəyişiklər və imkanlar bloglarda təqdim olacaq.

Bütün blogçularımıza uğurlar

Bilirsiniz mi müəllif hüquqları nədir?

Müəllif hüquqları kitabların, CDlərin, disklərin DVDlərin və s. arxasında olan qalaqramalı işarədən ibarətdir ki, əsas bunun sayəsində bütün hüquqlar onun yaradıcısı yaradıcısı tərəfindən qorunduğu təsbit edilir.

Bu o deməkdir ki, siz o kitabın yazılarını və ya o CD-nın mahnılarını onun sahibinin icazəsi olmadan kopyalaya, sayını artıra, sata bilməzsiniz! Məsələn hər hansı bir CDni çoxalda, internetdə sata və ya pulsuz yükləməyə şərait yarada bilməzsiniz. Etsəniz də müəllif hüququnu pozmuş olaraq cəzalandırılarsınız!

Bu proses eyniylə virtual aləmdə də mövcuddur. Yəni kimsə başqasının yazılarını öz adına çıxararaq və ya istinad verməyərək dərc edə, yaya bilməz! 

İnternet cəmiyyətinə əsasən də blog aləminə yeni qoşulmusunuzsa ilk növbədə onun qayda və qanunlarını öyrənməyimiz daha məqsədəuyğundur. Bu qaydalar sayəsində internetdəki fəaliyyətiniz ciddi və peşəkarlıqla qarşılanacaqdır. Bu xüsusda bir neçə qeydlər var ki, indi aşağıda onları qeyd edəcəyik:

1- Çalışın heç vaxt digər blog və saytların yazılarını və məqalələrini öz blogunuzda müəlliflərin icazəsi olmadan yerləşdirməyin. Əgər bütün yazını kopi edirsinizsə sonunda onun əsas mənbəsinə istinad verin! Əslində bu da düz iş deyil və ən yaxşı yol belədir ki, istədiyiniz yazıdan bir neçə cümlə yerləşdirib həmin yazının əsas mənbəsinə keçid verəsiniz.

2- Bloglarda müğənnilərin mahnı, musiqi, mp3larını yükləmək üçün yerləşdirmək müəllif hüququ qanunlarına ziddir. Ona görə də bu cür mövcud olan blogların bağlanması təhlükəsi mövcuddur.

3- Əgər hər hansı bir müəllif bir əsər yaradırsa bizlər müəllif hüququnu pozduqda onun yeni əsərlər yaratmasının və inkişaf etməsinin qarşısını almış oluruq. Ona görə də çalışaq müəliif hüququna diqqət eytirək və müəlliflərə yeni əsərlər yaratmaqda yardımçı olaq!

Nəhayət ki, blog dünyasında olan arzularımın birinə artıq nail oldum! İlk dəfə olaraq Azərbaycan blogçularının görüşü baş tutdu və artıq bizlər, yəni blogçular bir-birimizlə yaxından tanış olduq.

Görüşün məqsədi blogçuların öz həmkarları ilə tanış olmaq idi və elə də oldu. İlk görüş olaraq görüş çox əla keçdi və təsəvvür etmədiyim sayda blogçu göruşdə iştirak etmişdilər. Əminəm ki, sonrakı görüşlərmizdə daha çox blogçu iştirak edəcək, inşallah

Görüşdə hansı istədiyim blogçulari gördum:

- Mayıs Musayev: Dostum Mayisi ilk dəfə olaraq bu görüşdə yaxından gördum. Ondan öncə yalnız blogda şərhlər və Yahoo Messenger vasitəsiylə əlaqə saxlamışdıq. Amma bu blogçular görüşü səbəb oldu ki, Mayisi yaxından görüm. Mayis elə fikrimdə olan şəxsdir. Səmimi və gülərüz! Mayis məni Tünzalə Ağayevin solo konsertinə dəvət etdi. Konserti heç bəyənməsəm də Mayisə bu dəvət üçün təşəkkür edirəm. Konsertdə digər Azəriblogçular da vardı!

- Laçın Ələkbərov: Mənim hal-hazırda ən yaxın və ilk Azərbaycanda yaşayan dostumdur. Laçın dostum dağlar çapan qədər var. Bu neçə gündə Laçınla dəfələrlə göruşduk və çox şad oldum. Laçın ilk dəfə olaraq Azərbaycanda mühəndislər cəmiyyəti yaratmaq fikrindədir.O işi ilə çox məşğul olduqu üçün blogunda yeniliklərə vaxt ayıra bilmir. Laçınə bu dəyərli layihədə və digər işlərində uğurlar diləyirəm!

-  Şahsuvar Hümbətov: Mənim əziz və səmimi dostum. Demək olar Azərbaycanın ən güclü proqramçılarından biridir. Şahsuvar Oracle proqramında ən güclu peşəkardır və Azərbaycanda çoxlu proyektlər keçirdib və yaradıb. Şahsuvarla olan zaman insan heç vaxt darıxmaz. Şahsuvarın həmişəlik gülərüzü adama enerji verir.

- Zahir Əzəmət: müxtəlif xəbər saytları və qazetlərində aktiv olan dostlarımdan biri. Gündə azından 18 saat kompyuter arxasında olan şəxsin danışıqları və söhbətlərinin hamısı məlumatdır. Zahir bəy doğrudanda öz məlumatları ilə məni həddindən çox maraqlandırdı. Zahirlə yemək yeyib, çay içdik. Zahirin çoxlu dəyərli fikirləri var ki, inşallah hamısını əla surətdə reallaşdıracağıq. Təbii ki, əlimizdən gələn köməkləri edəcəyik!

- Eyvaz Qocayev: çox şərif insandir bu Eyvaz. Necə Eyvazın blogında ən son xəbərləri bir yerdə tapmaq olar, bütün gözəl insani xəsiyyətləri də onun özündə cəm olaraq görmək mümkündür. Eyvaz mənim üçün bir-iki iş də gördü amma mənim vaxtım olmadığına görə Eyvazın zəhmətləri də hədər oldu. İnşallah sonralar istədiyimiz işləri bilikdə görəcəyik.

-  Rauf: Deyirlər ki gənclər hər ölkənin sərvətidir. Rauf da Azərbaycanın ən aktiv gənclərindəndir. Rauf Azəriblog sistemi ola-ola ()   WordPress blog sisteminin azarkeşi olsa da, ən aktiv blogçuların biridir. Əgər bütün Azərbaycan gənclərinin Azərbaycana qarşı olan təəssübü Raufun İrəli Gənclər Hərəkatına qarşı təəsubkeşliyi qədər olsaydı indi Azərbaycanın 20% torpağı işğal altında olmazdı və ölkəmiz ən güclü ölkələrdən biri olardı. Raufun blogu neçə gündür Google Page Rankında 5-ci səviyyəyə yüksəlib. Bu münasibətlə Raufu təbrik edirəm. Və deyirəm o gün olsun ki, blogun 10 PR sahib olsun!

- Aytəkin Aliyeva: Aytəkin Azəriblogun ən ciddi blogçularindan biridir. O göruşdə iştirak edən tənha qız blogçu idi. Çoxlu hərarətli və səmimiyyətlə göruşdə gedən söhbətlərdə iştirak edirdi və digər blogçularla tanış olmağa çalışırdı. Aytəkin ilə yaxından tanış olduğum üçün çox şad oldum. Ümidvarım ki, sonrakı görüşlərdə digər qız blogçular da  Aytəkin xanımın timsalında iştirak etsinlər.

Digər yaxından  tanış olduğum dostlar: Ən aktiv Bakı jurnalist gənci Turxan, Tələbələrə  bir virtual yığıncaq yığan Mürsəl, Gün gələcək hər kəs blogım haqqında danışacaq şuari olan Vuqar Baba, blogu sayta bənziyən və bloguna güclü imkanları lazım bilən Lyrics S.N. ,Bayraqdar, Maliyyə, Emin, Rəşad, Ramin DEKO və digər dostlar ki görüşdə iştirak etmişdilər və mən indi onların adların unutmuşam...

Bəzi istədiyim blogçular da görüşdə müxtəlif səbəblərə görə iştirak etməmişdilər: ən çox yaxından tanış olmaq istədiyim blogçulardan biri Vusal Məmədov idi. İnşallah ümidvaram ki, sonrakı görüşdə xeyli blogçular iştirak edərlər.

Blog dünyasında olan fəaliyyətlərin sayı hesabı yoxdur. Digər ölkələrdə blogçular arasında çox maraqlı fəallıqlar olur. Həmçinin virtual olaraq oyunlar təşkil olunur.

Əziz və dəyərli dostumız Esma Nur (AzəriBlog sisteminin ən fəal blogçularının biri), blogçular arasında bir oyun təklif edib və ilk blogçu olaraq məni bu oyuna dəvət edib. çox şad olaraq oyunda iştirak edirəm və Esma Nurun verdiyi sualların cavabın yazıram:

1-Adın ve Soyadın: Fərhad Əsgərzadə

2-Təvəllüdün: 19/Mart/1976

3-Nə ile məşğulsan (sənet, peşə..)? işim internet ilə əlaqədardır. müştərilər və özüm üçün saytlar yaradıram :)

4-Harada yaşayırsan ve hansı şəhərdə yaşamaq istərdin? Mən indi Bakı-Tehran arasında  avara kimi yaşayıram! Bakıda yaşamaği istərdim.

5-Yaşam fəlsəfənizi təşkil edən sözərden, cümlələrdən biri? Çalışın ki bu gününüz dünən ilə fərqli olsun. (Yeni ki hər gün həyatınızda yeniliklər olsun)

6-Senin üçün blog nədir? Mənim üçün blog həyatdır, bir gün blogumu yoxlamasam o gün axşam yata bilmərəm :P

7-Həyatında nə qədər və necə bir yer tutur? - dediyim kimi blog mənim həyatımdır!

8-Neye göre blog yazırsan? blogu yazıram, çünkü orda mən azad bir yazaram! Və blogum mənim qəzetim və jurnalımdır. Hər nə fikirləşirəmsə, hansı mövzuda istəyirəmsə yazıram və kimsə mənə nə mövzuda yazmaği təklif etmir. bBlog mənim fikirlərim və baxışlarımdan ibarətdir. Ən əsası bunu digər insanlarla rahat şəkildə bölüşürəm. Blogum əslində mən özüməm. Mən özümü internet istifadəçilərinə istədiyim şəkildə çatdırıram.

Gördüyünüz kimi bu oyun 8 sual və onlara cavab yazmaqdan ibarətdir və blogçular bu oyunda bir-birini oyuna dəvət edə bilər. Oyun yalnız AzəriBlog istifadəçiləri üçün yox, bəlkə bütün Azərbaycan blogçuları arasında ola bilər. Oyun barəsində ətraflı məlumat üçün Esma Nurun yazısını oxuya bilərsiniz.

Məndə bu oyuna Vusal, Mayıs və Raufu dəvət edirəm.  

İki il bundan öncə təzə-təzə ki Azərbaycan netilə tanış olurdum. Bir forum yaratdım (elimiz.com), ilk dəfə Azəri dilində və lisanziyalı Vbulletin scriptilə. Dünyanın müxtəlif ölkələrində forumlar necə keyfiyyətli idisə mən də o cür keyfiyyətdə bir forum yaratdım. Yəni əslində məncə bir yeni iş deyildi! Amma AzNet məkanında bir yenilik idi. Forumda istifadəçilər müxtəlif mövzularda müzakirə edir, özlərinə şəxsi avatar yerləşdirir və öz imzalarında sayt və ya saytlarının mətn və şəkil ilə reklam edə bilərdilər.

Dostların biri mənə dedi ki bu işdən sənə nə xeyir olacaq ki! Boş işdir, belə işləri görmə. Burada yalnız hamı öz mənfəətini və qazancını fikirləşir! Sən isə pulsuz reklam etdirirsən!

İnternetdə yazılmayan qanun var ki, əgər istəsəniz yeni saytınız çoxlu ziyarətçi qəbul etsin və saytın səviyyəsi (Page Rank) ən qısa zamanda artsın forumlarda üzv olaraq və aktiv fəaliyyət göstərərək, forumda üyğun mövzularda öz saytınızın ünvanını qeyd edib, buna nail ola bilərsiniz.

Hələ də yadımdadır ki, yeni yaratdığım layihəni hansısa bir Azərbaycan forumunda yazdığıma görə həmin forum idarəçiləri mənim aşdığım mövzu və yazını sildilər. Və demək olar ki, bu hadisə mənim AzNetlə ilk tanışlığım oldu.

Sözün düzü başa düşmədim sayt idarəçiləri niyə görə vaxtlarını foruma sərf edən istifadəçilərə öz imzalarında hansısa sayt və ya bloglarını qeyd etməyə izin vermirlər. Bilmirəm yazılarda niyə hansısa sayt keçidi yazmaq qadağandır!?

Təəssüflər ki, bizim bəzi blogcularımız da bir-biri ilə "dost bloglar"a keçid verməyə simiclik edirlər. Daha bilmirlər ki, bu cür hal onların blog və saytları üçün çox xeyirli bir haldır.

Onu da qeyd edim ki, AzNetdə sayt yaradanlar, sayt sahibləri elə zənn edirlər ki, AzNet istifadəçiləri ancaq əyləncə tipli saytlar sevirlər. Və son zamanlar bu cür saytların yaranmasının sayi-hesabı yoxdur. Daha anlamırlar ki, bu cür saytlar AzNetin inkişafında heç bir təsir göstərər bilməz.

Mən düşünürəm ki, AzNet inkişaf etməlidir və əgər etyməlidirsə bunu da biz istifadəçilər etməliyik! Bizim saytlar da dünya saytlarındakı kimi web 2.0, ajax və s. bu kimi yeniliklərlə bəzədilməlidir. Bizim millət məgər ancaq əyləncə tipli və eyni sistemli saytlara layiqdir?

Bu problemləri aradan qaldırmaq üçün artıq bir neçə maraqlı saytlar və layihələr germkləşməkdədir. Və bu sözsüz ki, AzNetimizin inkişafına təkan verməkdədir. Biz netsevərləri də təbii ki, sevindirir.

Əfsus ki, bəzi dostlarımız AzNetin inkişaf edəcəyinə və təkmilləşəcəyinə ümid bəsləmirlər. Və deyirlər ki, bizim istifadəçilər ancaq əyləncə tipli saytları sevirlər və ziyarət edirlər. Ona görə də bu yeni layihələrin bir xeyri olmayacaq. 

Bəlkə də ilk başda düz deyirlər. Amma gələcəkdə bu cür layihələrin xeyri min qat olacağını zəmanət verirəm. Bu cür fikirlərin dəyişdirilməsi üçün isə əlimizdən gələni etməliyik.

AzNetdə reklama qadağa qoyan saytlar və forumların bu cür boş pafoslu tabularını yıxmaq üçün ilk milli digg, xebername.com saytı yarandı. Saytda sayt idarəçilərinə heç maddi mənfəət yoxdur, istifadəçilər öz sayt və bloglari və digər saytlar və bloglar yazıların saytda digər istifadəçilər və ziyarətçlərə təqdim edə bilərlər və ziyarətçi qazana bilərlər. Əminəm ki, belə saytların yaranılması AzNetdə sayt və blogların arasında isti münasibətlərin və mehribanlığın yaradılmasına səbəb olacaq!

"Xəbərnamə"dən sonra, Azərbaycanda istifadəçi üçün ən azad forum iki il fəaliyyətdən sonra indi yeni ünvanda dəyərli istifadəçilərin qarşısındadır. Müzakirələr üçün muzakire.com saytına daxil olun. Azad surətdə öz saytlarınızı və bloglarınızı uyğun mövzularda təqdim edin. İmzanızda saytlarınızın adın və ünvanın yerləşdirin ki bəlkə bu saytın köməyiylə sizin saytın ziyarətçisinin sayı az da olsa artsın. 

 Öz dəyərli fikirlərinizi yazmaği unutmayın.

Heydər Baba, sənin gönlün şad olsun,

Dünya varkən ağzın dolu dad olsun,

Səndən keçən tanış olsun, yad olsun,

Deynə, mənim şair oğlum Şəhriyar,

Bir ömürdür qəm üstünə qəm qalar.

Heydər Babaya Salam 

Bu günlər çox cox məşğulam. elə məşğulam ki vaxt ayıra bilmirəm ən sevdiyim yerdə, yəni burada (blogımda) heç olmasa bir yazı yazam. bunuda yazıram ki misal üçün özümü aldadım ki bir yazı yazdım blogımda

İndi mən Tehrandiyam. və orda məşğulam! bu şəkilidə Tehrandan çəkmişəm. Maşın və Cəmaət izdihamı