Sahil

Elan: Barcamp Tiflis 2008

Barcamp Tiflis 2008 (7-8 İyun) dərhal sonra, Transition Online – beynəlxalq media təşkilatı iki günlük (9-10 İyun) yeni media sahəsində beynəlxalq təlim keçirəcək. Beynəlxalq səviyyəli ekspertlər yeni media sahəsindəki son yeniliklərlə bağlı – bloqlar, podkastinq, video bloqlar, RSS, sosial şəbəkələr və s. sahələrdə təqdimat və təlim keçirəcəklər. Bundan

əlavə biz son dəyişiklikləri  - bloqların KİV-ə, siyasi və sosial həyata təsiri barəsində danışacağıq, klassik KİV-dən misallar göstərəcəyik.

Azərbaycandan olan yalnız 6 iştirakçı üçün xərclər – yol, yemək və qalmaq pulu tam şəkildə ödəniləcək. Tiflisdəki Barcamp-də olan Gürcüstan və Ermənistan nümayəndələri də təlimlər üçün qalmaları tövsiyə olunur – onların bəzi yemək xərcləri ödəniləcək. Təlimlərin əksər hissəsinin Ingiliscə olduğunu nəzərə alsaq, İngilis dili bilikləri vacib sayılır. İştirak etmək istəyənlər bu linkə baxmalıdır: http://forms.tol.cz/form/24/. Son müraciət etmə tarixi: 28 May.  

Bütün suallarla bağlı TOL-un Qafqaz üzrə Layihə Meneceri Emin Hüseynzadəyə müraciət edə bilərsiniz: ehuseynzade@gmail.com Telefon: +99470 317 9070.

Layihə ABŞ-ın Milli İanə Təşkilatı və Açıq Cəmiyyəti institutu tərəfindən maliyyələşdirilir.

Yazar: Fərhad @May 20, 2008 18:04
Xəbərlər | Şərhlər(1)
Baxış sayı: 86
Açar sözlər: barcamp tiflis 2008 bloglar 

Bloglar və Müəlliflər hüquqları

Bilirsiniz mi müəllif hüquqları nədir?

Müəllif hüquqları kitabların, CDlərin, disklərin DVDlərin və s. arxasında olan qalaqramalı işarədən ibarətdir ki, əsas bunun sayəsində bütün hüquqlar onun yaradıcısı yaradıcısı tərəfindən qorunduğu təsbit edilir.

Bu o deməkdir ki, siz o kitabın yazılarını və ya o CD-nın mahnılarını onun sahibinin icazəsi olmadan kopyalaya, sayını artıra, sata bilməzsiniz! Məsələn hər hansı bir CDni çoxalda, internetdə sata və ya pulsuz yükləməyə şərait yarada bilməzsiniz. Etsəniz də müəllif hüququnu pozmuş olaraq cəzalandırılarsınız!

Bu proses eyniylə virtual aləmdə də mövcuddur. Yəni kimsə başqasının yazılarını öz adına çıxararaq və ya istinad verməyərək dərc edə, yaya bilməz! 

İnternet cəmiyyətinə əsasən də blog aləminə yeni qoşulmusunuzsa ilk növbədə onun qayda və qanunlarını öyrənməyimiz daha məqsədəuyğundur. Bu qaydalar sayəsində internetdəki fəaliyyətiniz ciddi və peşəkarlıqla qarşılanacaqdır. Bu xüsusda bir neçə qeydlər var ki, indi aşağıda onları qeyd edəcəyik:

1- Çalışın heç vaxt digər blog və saytların yazılarını və məqalələrini öz blogunuzda müəlliflərin icazəsi olmadan yerləşdirməyin. Əgər bütün yazını kopi edirsinizsə sonunda onun əsas mənbəsinə istinad verin! Əslində bu da düz iş deyil və ən yaxşı yol belədir ki, istədiyiniz yazıdan bir neçə cümlə yerləşdirib həmin yazının əsas mənbəsinə keçid verəsiniz.

2- Bloglarda müğənnilərin mahnı, musiqi, mp3larını yükləmək üçün yerləşdirmək müəllif hüququ qanunlarına ziddir. Ona görə də bu cür mövcud olan blogların bağlanması təhlükəsi mövcuddur.

3- Əgər hər hansı bir müəllif bir əsər yaradırsa bizlər müəllif hüququnu pozduqda onun yeni əsərlər yaratmasının və inkişaf etməsinin qarşısını almış oluruq. Ona görə də çalışaq müəliif hüququna diqqət eytirək və müəlliflərə yeni əsərlər yaratmaqda yardımçı olaq!

Yazar: Fərhad @May 8, 2008 8:11
Blog Dünyası | Şərhlər(2)
Baxış sayı: 104
Açar sözlər: bloglar müəlliflər hüquqlar